La gazette pietrolaise
A Petra-di-Verde, u nostru paese
 

Funtana di Verde

È un bellu paese A Petra.  È à pianu e à sulìa. Incù i so tre paisoli e A Traversa da un capu all’altru; a so chjesa incù tre porte di facciata e u campanile altu trent’ottu metri e “altrantu sottu terra” dicenu Perdullacci.  Sopra à u paese, ci sò e creste chi pertenu da a Bocca à u Portellu e chi, voltu Alisgiani, falanu à piccu sin’à Bussu.  E sottu, dui fiumi, Acqua d’Orsu e U Cavu, nati da tante surgenti di u  circulu, un tempu fa tuttu piantatu à castagni.  Oghje, castagni ci n’è più pochi e nimu i coglie più.  Ci sò l’alzi, e lecce, i carpini e i frassi, e scope e l’erbitri. E verde è sempre u circulu di A Petra...


Site un zitellucciu.  In faccia di u vostru paese, c’è una muntagnone cuperta d’erburatura, chi chjude l’orizonte senza strecciallu.  Ancu in la punta ci si vede più erburi che sciapali.  U vostru babbone vi dice chi ssa muntagna, tamanta e cusì serena, si chjama Sant’Appianu e a punta, A Punta di A Campana.  À l’intornu ci sò cinque paesi:  Campi, Tocchisu, Linguizzetta, Canale e Chjatra, chi formanu, incù A Petra, u cantone di Verde.  Vi conta, u vostru babbone, chi quassù, sottu à A Punta, c’è un locu chi ‘mo chjama “Funtana di Verde”.  U vi mostra da lontanu, ssu locu; vi mostra e vi vanta u leccetu, da sopr’à i castagni...  A vostra imaginazione di zitellu ùn vi lenta più nè ghjornu, nè notte.  In cima quassù, in Sant’Appianu, sottu à A Punta di A Campana, c’è Funtana di Verde.


Vi piece ssu nome.  Sente l’incantesimu.  U videte ssu locu, u sonnìate.  Unn avite più che una brama, quella di collacci dinò voi...


Funtana di Verde.  Quassù ci passava a strada vechja c’andava da un paese all’altru fendu u giru di Sant’Appianu pe l’Aqua à i Fiori, A Fuata, Acqua Fretula, e Tre Aghje, l’Aghj’à u Monacu...  Ci sboccava a strada chi collava da A Petra.  Quassù ci passava a ghjente chi muntanghjava  per Serra o per Alisgiani e a ghjente chi ‘mpieghjava.  Quassù ci si collava à caccia à u cinghjale, à a levra, à i colombi chi ghunghjìanu all’appollu in lu leccetu.  Quassù ci currìa l’acqua fresca, chi ralegrava l’omi sudati e l’enimali cherchi.  Da quassù si vidèanu l’alte muntagne chi taglianu a Corsica in dui, da Pumonte à Cismonte; si distinguìa a Paglia d’Orba, u Rotondu, u Monte d’Oru, u Renosu...


Da quindi à Funtana di Verde, a strada chi fala in Canale passa longu i muri sfondati di a cappella di A Fuata.  Quantu ci ne serà collatu pelegrini da i paesi di u cantone e  ancu da altrò!  E quantu sò decine o centinare d’anni ch’ell’ùn ci ne colla piu!  Settanta o ottant’anni fà, si sentìa dì chi, appena più ’ndà, in una cresta, ci stava un rimitu c’avìa un figliolu prete, prufessore à A Catolica di Lyon.  Una volta chi quellu era ghjuntu à vedelu inc’una bella vittura, u rimitu disse spaventatu:  “O, lu mio figliolu, perche tantu lussu?  Perchi Dio ti perdoni, feraghju eiu doppia penitenza.”


È finitu u tempu di i rimiti.  Oghje, in Funtana di Verde, ci passa più poca ghjente.  Qualchi cacciatore, chi, ogni tantu, dà una dirascata; o, toccu a statina, qualchi turistu à cavallu, fiaccu da u sole di Brevone.  A strada di a contra-machja è a machja chi a si manghja. Sò dui o tre anni chi capre ùn ci ne pasce più.  Forse mancu più colombi ci ghunghje più ad appollassi in lu leccetu.  Di l’anticu cantone, in giru à Sant’Appianu, unn esiste più mancu u nome.  Ci resta ssu locu, Funtana di Verde.  Ci restanu, quassù, i cinghjali e i tori salvatichi, chi facenu e so strade à di per elli.



Funtana di Verde


A Petra est un beau village, construit à flanc de coteau sur le versant ensoleillé.  Il s'étend sur trois hameaux, avec une Traverse qui permet d'aller d'un bout à l'autre du village.  Il peut s'enorgueillir de sa belle et grande église baroque et de son clocher haut de trente-huit mètres (“et autant sous terre”, disait-on).  Au dessus du village, des montagnes, hautes du côté de la Bocca à u Portellu qui, du côté d'Alesani, descendent à pic, jusqu'à Bussu.  Au-dessous du village, deux petites rivières, Acqua d'Orsu et U Cavu, alimentés par mille sources jaillies de ce cirque qui, jadis, était entièrement couvert de châtaigniers.  De nos jours, il en reste très peu.  Mais qui irait ramasser les châtaignes?  Il y a des aulnes, des chênes, des frênes, des bruyères et des arbousiers.  Ainsi le territoire du village est encore vert.


Vous êtes un petit garçon.  En face de votre village, se dresse une montagne couverte d'arbres, qui ferme l'horizon.  Votre grand-père vous dit que cette montagne si grande et si sereine, c'est Sant'Appianu et sa crête s'appelle A Punta di a Campana.  Tout autour, il y a cinq villages:  Campi, Tocchisu, Linguizzetta, Canale et Chiatra, qui constituent, avec A Petra, le canton de Verde.  Votre grand-père vous dit que là-haut, en dessous de A Punta, il y a un endroit qui s'appelle Funtana di Verde.  Il vous montre, de loin, où il se trouve.  Il vous montre aussi la chênaie, au-dessus des châtaigniers…  Votre imagination d'enfant s'emballe.  Jour et nuit, vous ne pensez plus qu'à cet endroit au nom magique de Funtana di Verde, qui se trouve là-haut, sous A Punta di a Campana.  Ce nom vous plaît.  Il vous charme.  Vous voyez ce lieu, vous en rêvez.  Il faut absolument que vous y montiez, vous aussi…


Funtana di Verde.  C'est là-haut que passait le chemin pour aller d'un village à l'autre, en contournant Sant'Appianu par l'Acqua a i Fiori, A Fuata, Acqua Fredula, e Tre Aghje, l'Aghja à u Monacu…  Le chemin qui venait de A Petra y débouchait.  On y rencontrait ceux qui se dirigeaient vers la montagne et ceux qui descendaient vers la plaine.  On chassait, par là, le sanglier, le lièvre, les pigeons qui se posaient sur les chênes.  Là-haut, coulait l'eau fraîche qui faisait le bonheur des hommes en sueur et des animaux fatigués.  De là-haut, on découvrait les hautes montagnes qui partagent la Corse en deux, Pumonte et Cismonte.  On distinguait A Paglia d'Orba, U Rotondu, U Monte d'Oru, U Renosu...


De l'autre côté, la route qui descend vers Canale passe le long des murs en ruine de la chapelle de A Fuata.  Là, venaient les pèlerins, des villages du canton et d'ailleurs.  Depuis des dizaines, voire des centaines d'années, personne n'y vient plus.  On racontait, dans ma jeunesse, que, non loin de là, dans une cahute aménagée sous un rocher de la crête, vivait un ermite dont le fils était professeur à l’université catholique de Lyon.  Ce dernier vint un jour rendre visite à son père.  Sur la route en contre-bas, il laissa son automobile et grimpa jusqu’à la cahute.  Au moment de repartir, à son père de le raccompagner.  A la vue de l’auto ce dernier lui dit: “Mon fils, pourquoi tant de luxe?  Je ferai double pénitence pour racheter ce péché d’orgueil.”


Il est passé le temps des ermites.  De nos jours, à Funtana di Verde, il passe peu de monde:  quelques chasseurs, qui, parfois, s’adonnent au débroussaillage; ou bien, en été, quelque touriste à cheval qui fuit le soleil de Bravone.  La vieille route est mangée par le maquis.  Voilà trois ou quatre ans que les chèvres n’y paissent plus.  Qui sait si les pigeons viennent encore, le soir, dormir dans les chênes?  De l’ancien canton, aux villages étagés sur les flancs de Sant’Appianu, le nom même a disparu.  Il reste ce lieu:  Funtana di Verde.  Et, là-haut, restent les sangliers et les taureaux sauvages qui tracent seuls leurs chemins à travers le maquis.



-> Retour à la liste des textes


-> Texte suivant