Simon-Jean VINCIGUERRA (G. di a Grotta)

PETRA di VERDE

(À u me Babbone)

Per tè, lu miò paese, stu sunettu:

O Petra diamante d'a natura.

Riposta in un villutu di verdura

Di surridente e poeticu aspettu.

S'è tu la terra di l'anticu tettu

Duve ingrandai in infinita cura:

A devota affezione t'assicura

Quellu ch'hà lu to nome scrittu in pettu:

Fuste regina di la Castagniccia,

Ma d'i castagni è statu mataccinu

Ed oghie ùn gira più manc'un mulinu.

O Petra turnerai petrichiccia!

Verde ùn serai più che di filetta:

Tal'è la trista sorte chi t'aspetta.

-> Retour à la liste des textes des Degordì

-> Retour à la liste des poètes piétrolais